UMEED

Umeed ki kashish gejri hai itni

Asma se dharti ki duri hai jitni

Band aankho ke sapne, Sise ke hote hai.

Khulte hi palko ke, Jo tut jate hai

Khuli aankhon se jo sapne sajate hai

Band aankhon ke wo ruh ban jate hai

Jindagi ke khwab

jane kab honge pure

Sapne kuch tute mere

Kuch reh gaye adhure

Samandar si aankhon me

aasuon ka sailab aaya hai

Tute hue sapno ki kashti ko

jisne bahaya hai

Aankho ne sapne bunna abhi choda nahi hai

Khud se kiya hai jo wada wo toda nahi hai

A DEDICATION TO OUR INDIAN ARMY

Is jamane ki fitrat hai itni si

Ke mar kar wo log amar ho jate hai

Apno ke liye nahi gairon ke liye jo mar jate hai

Yaad me unki log smarak banwate hai

Chand dino baad fir sab bhool jate hai

Kuch lamhe jindagi ki unke sath jisne gujari hai

Unse pucho jisne unpe apni duniya vari hai

Aankho me jinki bus yaadein hi pyari hai

Is kadar lute hai wo jaise jindagi unpe bhari hai

Pucho us maa se jisne

khoya apna beta hai

Pucho us pita se jisne aansuo ke samandar ko

apni aankho me lapeta hai

puch us aurat se jisne band bakse me

apne sapno ko lapeta hai

aur pucho us ladke se jo garv se hai kehta

wo ek saheed ka beta hai

hai meri bas itni dua us khuda se

us jane wale ko har koi dua de

uske apno ki aankho me na aasu aaye

unki jindagi me har khusiya mila de.

Is jamane ki fitrat hai itni si...

JEENA ISI KA NAAM HAI

Raat maine siskiyon ke sath bitai hai

Jitni dur najar gai pai bus tanhai hai

Bhagwan se shikayat ki kyu jamin pe bheja mujhe

Umeed ki koi kiran nahi yaha sirf khamoshi chai hai

Ruth kar is jindagi se socha is me rakha kya hai

Aur sayad isliye hi khudkhusi kar kaiyon ne apni jaan gawai hai

Soch kar hum bhi chal pade usi raste

Udaas man liye chod kar sab duniya ke waste

Raah par chalet hue dekha jo maine unhe

Bhuke pet, sukhe man, fate kapde pehne hue

Dekh kar wo dehal gaya mera man

Kaisi hai ye jindagi, bhagwan kaisa hai ye jivan

Yaad kar jindagi ke phir sare khusi ke lamhe

Aaj phir ye aankhe bhar aai hai

Tyag kar us raah ko

Phir se chal pade jindagi ki oor

Umange nai liye aur

Pakade aashaon ki nai door

Sach hai yaaron

Gam ne hi sabka hai saath diya

Khushi to chiz parai hai

Isliye hum ne bhi nai sapno ke sang

Jindagi ko fir se gale lagai hai.

KUCH BAKI HAI

Kuch raag abhi gana baaki hai

Kuch khwab abhi pana baaki hai

Kuch jasbaaton ka marna baaki hai

Kuch jakhmon ka bharna baaki hai

Kuch dard abhi sehna baaki hai

Kuch dua abhi karna baaki hai

Kuch longo se milna baaki hai

Kuch foolon ka khilna baaki hai

Kuch bhawaron ka tarasna baaki hai

Kuch bundon ka barasna baaki hai

Kuch rishton ko nibhana baaki hai

Kuch yaadon ko mitana baaki hai

Kuch aansuon ko peena baaki hai

Kuch khusiyon ko jeena baaki hai

Kuch raag abhi gana baaki hai

Kuch khwab abhi pana baaki hai

MERI HASTI

Mai kya hu kuch bhi to nahi

Jo kuch hai meri hasti hai

Mai nahi ruk pati sang kisi ke

Par meri hasti hi sabi yaadon me basti hai

Meri hasti ke hai rang roop kai

Iske apne hai chaw-dhoop kai

Kabhi meri khusiyan banti iski masti hai

Kabhi mere gum lagti isko sasti hai

Kabhi aaine ki oot me

Chup chup kar ye mujh par hasti hai

Jindagi ke majdhaar me

Kabhi ye ban jati meri kashti hai

Kehti hai ye mujhse

Mai hawa ka koi jhoka nahi

Nahi bearish ki boond hu

Na hun mai manjil kisi ke khwab ki

Bas tere hi sapno ki umeed hu

Mai kya hu kuch bhi to nahi

Tere hi wajood ki mai parchai hu

Teri jindagi hai to mai bhi hu

Warna is duniya se to mai parai hu

PARI HU MAI

Jasbaato ki gathri si bandhi

Har riste ki aaghaz  hu mai

Kuch aur nahi bas ek lafj hai yaaro

Is duniya ka anjaam hu mai

Asma me jab dekho to

Badalo ka pani hu mai

Kisi se anjani nahi

Bas sab ki yaadon se begani  hu mai

Parvaton ki uchai se

Samandar ki gehrai hu mai

Har kisi ke soch se pare

sabke umeedon me samai hu mai

Indradhnush ki parchai si

Rongo se bhari hu mai

Duniya ke liye bas hu ek ladki

Par apne maa baba ki pari hu mai

PREET PREETY KI

Mere bol hi mere geet hai

Mere naam ka matlab hi preet hai.

Khwab ban kar aankho me jab aati

Raag ban kar gungunati,

Khilte kusum ki bhati

Sab k honto se muskurati

Sapne bane jaise ki meet hai

Mere naam ka matlab hi preet hai.

Udati hawa ki hun mai aanchal

Barasti bundon ki hun mai baadal

Khusiyon ki rooh hu mai,

Oos k bundo si komal,

Sab k man pe chai ban k jaise seet hai

Mere naam ka matlab hi preet hai.

LET ME LIVE

All the time, I think of it,

The role of a Girl in this Earth is not “just a bit”.

I want to break the entire wall,

I want to give love and loved by all.

Now I don’t want any Girl to bear,

Just want to make everyone aware.

Common Girls.......... our freedom is not so far,

It is just the starting of “GIRLS RIGHT WAR”.

I have no rope in my hand,

ting-tong please open your door.

This is just a beginning,

I want to shine more.

There is lot of things inside me,

I want all to explore.

By holding the hope of waves,

I want to live like a sea-shore.

I want more love, to open up and share.

I want more life, to take ur care.

I want more chance, to show my dare.

I want more respect, to live happy here.

Let me live my life, it’s my prayer

BITIYA YA BETA

Aksar baba kehte hai ye mujhse

Bitiya nahi mera beta hai tu

Aur soch ke ankhe bhar jati meri

Baba aisa kehte hai kyu?

Isi soch me baithi thi ek din

Baba kyu mujhko kehte hai beta

Sidha sa sawal tha jise khud hi

Uljhano ki taron me tha maine lapeta

Baba duniya bhar se ye kehte firte

Apni bitiya par mujhko naaj hai

Mujhko bas itna samjhate

Tu mere ghar ki laaj hai

Baba ki aankhe puri nam hai

Jane kyu sakuchai si aawaz hai

Kisi ne unse jab ye kaha

Akhir bête hi hote ghar ka taaj hai

Ankh khuli to dhyan hua

Is sapne me chupa jo raaj tha

Meri samajh me aaya tab wo

Jo mere sawalon ka jawab tha

Sar par mere jab

Baba ke hanto ka sartaaj tha

Aankhe meri tab bhi nam thi

Nai ulason ka hua jo naya aaghaj tha

PAISA – KAMAL KA

Is paise ko banane wala insan ab khud

Bana is paise ka gulam hai

Jiske paas hai ye paisa

Aaj bas usi ka naam hai

Yu to is duniya me jindagi ke,

Kai sare afsane hai

Kisi ke sar par chat nahi,

Kaiyon ke kai thikane hai…….

Kuch aur nahi hai dost mere,

Ye to paise ke tarrane hai

Aaj is kalyug ki duniya me

Kho gaya jaise apno ka saya hai

Jiski kokh se janam liya,

Bache kehte usi ko paraya hai

Ab to sare bandhan ka kuch mol nahi,

Jaise reh gaya bas paise ka moh maya hai

Duniya ko banae wale ne,

Banaya sirf insano ko

Jane kyon in insano ne,

Janm diya shabd “begane” ko…….

Har riston ka mol laga kar

Sab chahe ab bus paisa ginwane ko…

Sachai ko jhut bana ke

Jhuto ko pehnate ab taj hai

Insano ke nakab me ji raha ab

Saitaano ka raaj hai

Insaniyat gum ho gai kahin par

Aur ye paisa bana iska sartaaj hai

Dekh dasha teri duniya ka bhagwan

Hua kya iska haal hai

Bam golon ki barishon ne hai falaya

Dehsaton ka mayajaal hai

Kuch aur nahi hai dost mere,

Ye sab is paise ka bas kamal hai.

Is paise ko banana wala insan ab khud

Bana is paise ka gulam hai

Jiske paas hai ye paisa

Aaj bas usi ka naam hai

NAR NAHI, NAARI HUN MAI

Phoolon bhari kyari hun mai.
Nar nahi, nari hu mai....
Aakash ke indradhnush ka,
Hai samaya mujhme saat rang,
Har ek kali me hai bhara,
Pyar ka ek naya tarang.
Jeene ki sachi adhikari hun mai,
Nar nahi, naari hun mai…………..

Maa hun mai, janti hu jeevan,
Har bache k rooh ka hu darpan,
Sichati hu khoon se apne,
Har shisu ka man aur tan.
Karuna hu, mamtadhari hu mai,
Nar nahi, naari hu mai…………….

Mana k choti si hun gudiya,
Par khushi ki hun mai pudiya,
Aandhere ki mai hun wo jyoti,
Jaise seep mai banti hai moti.
Pyar ka ehsaas, tumhari hun mai,
Nar nahi, naari hun mai…………….

Natkhat hun, tumko hun satati…
Roti to tumko bhi rulati,
Ched kar tumko khud hat jaati,
Phir amma se daat padati.
Bhaiya! Par teri rajdulari hun mai,
Nar nahi, naari hun mai……………….

Chod kar apno ka aangan,
Tyag kar apna ye jeevan,
Sab karti hun tujhko samarpan
Nibhati hun tera har bandhan.
Khilona nahi, ardhangini tumhari hun mai,
Nar nahi, naari hun mai………….

Waqt de kar socho ye ek din,
Kya jee sakoge jeevan mere bin?
Vidya hun mai, laxmi hun mai
Mata hun mai, janm-bhumi hun mai,
Aakash hun, patal hun mai,
Mahamaya, mahakaal hun mai,
Durga hun, sinh-sawari hun mai…….
Nar nahi, naari hun mai……………