BITIYA YA BETA

Aksar baba kehte hai ye mujhse

Bitiya nahi mera beta hai tu

Aur soch ke ankhe bhar jati meri

Baba aisa kehte hai kyu?

Isi soch me baithi thi ek din

Baba kyu mujhko kehte hai beta

Sidha sa sawal tha jise khud hi

Uljhano ki taron me tha maine lapeta

Baba duniya bhar se ye kehte firte

Apni bitiya par mujhko naaj hai

Mujhko bas itna samjhate

Tu mere ghar ki laaj hai

Baba ki aankhe puri nam hai

Jane kyu sakuchai si aawaz hai

Kisi ne unse jab ye kaha

Akhir bête hi hote ghar ka taaj hai

Ankh khuli to dhyan hua

Is sapne me chupa jo raaj tha

Meri samajh me aaya tab wo

Jo mere sawalon ka jawab tha

Sar par mere jab

Baba ke hanto ka sartaaj tha

Aankhe meri tab bhi nam thi

Nai ulason ka hua jo naya aaghaj tha

PAISA – KAMAL KA

Is paise ko banane wala insan ab khud

Bana is paise ka gulam hai

Jiske paas hai ye paisa

Aaj bas usi ka naam hai

Yu to is duniya me jindagi ke,

Kai sare afsane hai

Kisi ke sar par chat nahi,

Kaiyon ke kai thikane hai…….

Kuch aur nahi hai dost mere,

Ye to paise ke tarrane hai

Aaj is kalyug ki duniya me

Kho gaya jaise apno ka saya hai

Jiski kokh se janam liya,

Bache kehte usi ko paraya hai

Ab to sare bandhan ka kuch mol nahi,

Jaise reh gaya bas paise ka moh maya hai

Duniya ko banae wale ne,

Banaya sirf insano ko

Jane kyon in insano ne,

Janm diya shabd “begane” ko…….

Har riston ka mol laga kar

Sab chahe ab bus paisa ginwane ko…

Sachai ko jhut bana ke

Jhuto ko pehnate ab taj hai

Insano ke nakab me ji raha ab

Saitaano ka raaj hai

Insaniyat gum ho gai kahin par

Aur ye paisa bana iska sartaaj hai

Dekh dasha teri duniya ka bhagwan

Hua kya iska haal hai

Bam golon ki barishon ne hai falaya

Dehsaton ka mayajaal hai

Kuch aur nahi hai dost mere,

Ye sab is paise ka bas kamal hai.

Is paise ko banana wala insan ab khud

Bana is paise ka gulam hai

Jiske paas hai ye paisa

Aaj bas usi ka naam hai

NAR NAHI, NAARI HUN MAI

Phoolon bhari kyari hun mai.
Nar nahi, nari hu mai....
Aakash ke indradhnush ka,
Hai samaya mujhme saat rang,
Har ek kali me hai bhara,
Pyar ka ek naya tarang.
Jeene ki sachi adhikari hun mai,
Nar nahi, naari hun mai…………..

Maa hun mai, janti hu jeevan,
Har bache k rooh ka hu darpan,
Sichati hu khoon se apne,
Har shisu ka man aur tan.
Karuna hu, mamtadhari hu mai,
Nar nahi, naari hu mai…………….

Mana k choti si hun gudiya,
Par khushi ki hun mai pudiya,
Aandhere ki mai hun wo jyoti,
Jaise seep mai banti hai moti.
Pyar ka ehsaas, tumhari hun mai,
Nar nahi, naari hun mai…………….

Natkhat hun, tumko hun satati…
Roti to tumko bhi rulati,
Ched kar tumko khud hat jaati,
Phir amma se daat padati.
Bhaiya! Par teri rajdulari hun mai,
Nar nahi, naari hun mai……………….

Chod kar apno ka aangan,
Tyag kar apna ye jeevan,
Sab karti hun tujhko samarpan
Nibhati hun tera har bandhan.
Khilona nahi, ardhangini tumhari hun mai,
Nar nahi, naari hun mai………….

Waqt de kar socho ye ek din,
Kya jee sakoge jeevan mere bin?
Vidya hun mai, laxmi hun mai
Mata hun mai, janm-bhumi hun mai,
Aakash hun, patal hun mai,
Mahamaya, mahakaal hun mai,
Durga hun, sinh-sawari hun mai…….
Nar nahi, naari hun mai……………

EK NARI – CHAR ROOP

Beti, Behen, Biwi, Maa

Hai chaar roop ye nari ka

Ek insaan ki duniya ka

Hai roop ye chaar dishaon sa

Bitiya na hoti purab si

To hasi ki chehakti subah kahan hoti?

Behna na ho jo paschim si

To sham ki natkhat laali kahan hoti?

Biwi na hoti uttar si

To pyar ki ganaga kaha behati?

Maa na hoti Dakhin si

To tum duniya me kahan hote?

Beti, Behen, Biwi, Maa

Hai chaar roop ye nari ka

Ek insaan ke ghar aangan  ka

Hai roop ye chaar Diwaron sa

“JEENE KA HAQ RAKHE HAR NAARI”

Mat – pita ki duniya sari,
Bhaiya ki hai raj dulaari.
Waqt pe padti sab pe bhari,
Aaj ek soch me hai bechari ,
Kya-“JEENE ka haq rakhe naari?”

Sikchit, susil, sunder sab me,
Roopshil me hai gud-dhari.
Pita ke paas kami hai dhan ki,
Isliye baithi hai kuwari.
“Jeene ka haq kyon rakhe naari?”

Duniya pe chai jiski khumari,
Dahej-pratha ki ab bhi Mari.
Falai hai jisne hahakari,
Samaaj ke is danav se hai haari.
“Jeene ka haq kyon na rakhe naari?”

Duniya aage bahdti jaaye,

Phir rahe kyon peeche naari.
Ji sake na jeevan akele,
Nahi aisi uski koi laachari.
HAN, “jeene ka haq rakhe naari”

Waqt hai ab badalne ka,
Sochne ka nahi kuch karne ka.
Nahi rehna ban k ab dukhiyaari,
Isi me hai hamari samajhdari.
HAN, “jeene ka haq rakhe har naari”

Aao behne, kadam badhye,
Duniya ko jeena sikhlaye.
Apna swarg ek khud banaye,,
Isi me hai shaan hamari.

“JEENE KA HAQ RAKHE HAR NAARI”