KAHANI ANSUNI

Is pal ki fikar

kisi ko nahi yaha

Jeene ki parwah to hai par

Jane jindagi hai kaha

Har pal me jeene wale

Jane kaha kho gaye hai

Naye pal ki khusiyon ki khatir

Pal pal bas sab ro rahe hai

Kahaniyon ke samandar me

Jindagi mano dub rahi hai

Kahi to kuch hai jo chut raha

Ye uljhan ban kar hum se puch rahi hai

Sawalo ke jane kitne hai ped yaha

Sikayaton ne jinme apni kai jaal buni hai

Aansuon ki barish ki awaz me mano

jindagi ki kahani jaise reh gai ansuni hai

Kaas aisa koi ho

Jo har zakhm is kadar si sake

Har dard me vi lab ye muskurate

Aur jindagi apna har lamha yuhi ji sake

DHUND ME CHUPI ROSHNI

Aankho me sapno ke liye kai najare

Aaye the naye is dar pe hum jiske sahare

 

Samjha nahi usi ne

to kisi aur se kya sikwa kare hum

zindagi ki kasmakas thi

khud se bhi kya ab gila kare hum

 

Sehme se bebas dil ko

de kar dilasa jhuti umeed ka

chup reh gaye, sab seh gaye

sapno ko de kar dawa ek need ka

 

har subah ki pehli kiran

aaghaz thi ek nai khouf ka

samajhne me mujhe der hui

dard dena to uska souk tha

 

longo ki bheed me mehsus hua

khoya jo maine apna wajood tha

dil ke kisi kone me chupke se

sans leta wo kahi mehfooj tha

 

aankho ke asko ke dhundale saye me

khud se jab wo rubaru hua

khud hi sambhal jane ki nayi soch

mere zahen me suru hua

 

mai bebas thi, lachar thi

par wo meri galatfehmi thi

duniya ki jhuti rasmo ki

aag se thodi sehmi thi

 

socha jindagi jab meri hai

samaj ko le kar phir rona kya

jo ped khada ho bejaan sa

waisa koi beej phir bona kya..........

ZIDDI SAPNE

Manjil ko pane ki chah me

Raste pe ban ke andhe chalet rahe

Jindagi jine ki ek aas me

Har pal khud bhitar me marte rahe

Rango bhari, Khushiyon bhari

Sapno kit thi jo duniya meri

Aouron ki chahat ki tapis me

Pal pal wo jalte rahe

Ek jid si hai iski fir bhi

Khud hi puri hone ki

Sabko sabit karna hai jo ise

Kaise khud ye – apna dam bharte rahe

Hairan hun mai khud apne hi khwab se

Khud ko jaise isne sambhala hai

Har jakhm pe hai namak padi

Fir bhi jinda ye – sab sehke rahe

Aab bhi jane kaise ye tute khwab

Ban kar umeed aankho me dastak de rahe

Majboor is dil se hi hai hum

Aur duniya meri aankho ki nami ka maja le rahe

Sapne aur Hum...

Tute khwabon ke sise mere

Ban kar sitara yun timtimata hai

Dard ki uthati lehron ko

Naya ghaw de jata hai

Aankhon se behte ashk mere

Ban kar kohra yun cha jata hai

Aankhe band kar leti hu mai

Jab sab dhundhala sa najar aata hai

Aankhe band karte hi

Meri duniya mujhe mil jata hai

Rangon bhari duniya meri

Aashaon ki kirno se phir khil jata hai

Umeed ban ke oos ki boonde

Mujhme housla barsata hai

Sare sapne ji uthate hai mere

Gum door kahi chup jata hai

Phir jab aankhe khulti hai

Dil geet naya ek gata hai

Nirash hokar harne wala

Kabhi na manjil pata hai

Khwab shise ke honge hum nahi

Jo tut kar yun bikhar jaye

Zindagi jine ki chah abhi baki hai

Kyu na phir se hum sambhal jaye

WHAT IS MY FAULT

What is my fault, if m not a boy?
I have all d feelings of love & joy,
Stop thinking that I am like a toy
...I want to live my life & enjoy.

I want to fly, I want to see d blue sky
Please don’t let me die
I want to walk, I want to talk
Please don’t dump me like waste stock

I'll make u feel proud
Please don’t let me disappear from this crowd
I may not be Diamond but a Pearl
Wt z my fault, if m a GIRL..???